Kant: AA II, AUGUSTISSIMO SERENISSIMO ATQUE ... , Seite 392

     
           
 

Zeile:

 

Text (Kant):

 

 

 

 
  01 actu daretur in infinito simultaneo, ideoque, quae successive addendo      
  02 nunquam est absolvendo series, tamen tota esset dabilis. Ex hac spinosa      
  03 quaestione semet extricaturus notet: tam successivam quam simultaneam      
  04 plurium coordinationem (quia nituntur conceptibus temporis) non      
  05 pertinere ad conceptum intellectualem totius, sed tantum ad condiciones      
  06 intuitus sensitivi; ideoque, etiamsi non sint sensitive conceptibiles, tamen      
  07 ideo non cessare esse intellectuales. Ad hunc autem conceptum      
  08 sufficit: dari quomodocunque coordinata et omnia cogitari tanquam      
  09 pertinentia ad unum.      
           
  10

SECTIO II

     
  11

De sensibilium atque intelligibilium discrimine generatim.

     
           
  12
§. 3.
     
           
  13 Sensualitas est receptivitas subiecti, per quam possibile est, ut status      
  14 ipsius repraesentativus obiecti alicuius praesentia certo modo afficiatur.      
  15 Intelligentia (rationalitas) est facultas subiecti, per quam, quae in sensus      
  16 ipsius per qualitatem suam incurrere non possunt, repraesentare valet.      
  17 Obiectum sensualitatis est sensibile; quod autem nihil continet, nisi      
  18 per intelligentiam cognoscendum, est intelligibile. Prius scholis veterum      
  19 phaenomenon, posterius noumenon audiebat. Cognitio, quatenus subiecta      
  20 est legibus sensualitatis, est sensitiva, intelligentiae, est intellectualis      
  21 s. rationalis.      
           
  22
§. 4.
     
           
  23 Cum itaque, quodcunque in cognitione est sensitivi, pendeat a      
  24 speciali indole subiecti, quatenus a praesentia obiectorum huius vel      
  25 alius modificationis capax est, quae, pro varietate subiectorum, in diversis      
  26 potest esse diversa; quaecunque autem cognitio a tali condicione      
  27 subiectiva exempta est, nonnisi obiectum respiciat: patet, sensitive cogitata      
  28 esse rerum repraesentationes, uti apparent, intellectualia autem,      
  29 sicuti sunt. Repraesentationi autem sensus primo inest quiddam, quod      
  30 diceres materiam, nempe sensatio, praeterea autem aliquid, quod vocari      
  31 potest forma, nempe sensibilium species, quae prodit, quatenus varia,      
  32 quae sensus afficiunt, naturali quadam animi lege coordinantur. Porro,      
           
     

[ Seite 391 ] [ Seite 393 ] [ Inhaltsverzeichnis ]